Müzadil Əsgərovdan, Goranboy, Azərbaycan

Hörmətli cənab Prezident.

Sizə işlərinizdə hər zaman böyük uğurlar, müvəffəqiyyətlər, nailiyyətlər arzulayıram. Sizin uğurlarınız ümumilikdə Azərbaycanın inkişafına, yüksəlişinə xidmət edir. Siz xalqımızın qarşısında duran taleyüklü məsələlərin öhdəsindən qəhrəmanlıqla gəldiniz. Allah Sizə hər zaman yar və yardımçı olsun.

Sizin uğurlarınızdan, Zəfərinizdən təkcə Azərbaycan xalqı deyil, bütün türk dünyası faydalanır. Qələbələriniz qardaş türk xalqlarına ruh yüksəkliyi bəxş edir, düşməni rəzil günə salır.

Avropada, eləcə də qonşu ölkələrdə nələr baş verdiyini yaxşı görürük. Qarşıdurmalar, qarışıqlıqlar insanlara min bir əziyyət verir, həyatlarını zülmə çevirir. Bütün bunların fonunda Azərbaycan sanki sabitlik və inkişaf adasıdır. Buna da Sizin böyük iradəniz sayəsində nail olmuşuq.

Bütün dünya azərbaycanlıları Sizin arxanızdadır, Sizinlədir. Elə mən də!

Mənim 1 qızım, 1 oğlum var. Oğlum Qusarda yerləşən “N” saylı hərbi hissədə xidmət edib. Yeni yaradılmış komando bölmələrinin tərkibində təlimlərdə yaxşı iştirak edib. Xidmətinin son aylarında Laçında olub. “Qisas” əməliyyatında bir komando əsgəri kimi, qabaqcıl əsgər kimi öhdəsinə düşən işləri uğurla başa vurub, sağ-salamat və fəxri fərmanla evimizə dönüb. Ata-bala biz həmişə Vətənə olan böyük məhəbbətlə yaşamışıq. Vətənin uğuru üçün hər şeyə hazırıq.

Fəxr edirik ki, Azərbaycanın Sizin kimi qalib Prezidenti vardır.

Allah Sizi qorusun, qələbələr hər zaman Sizinlə olsun!

Hörmətlə,

Əsgərov Müzadil

Azərbaycan Respublikası, Goranboy rayonu, Yolpaq kəndi.