Elsevər Qiyasov və başqalarından, Cəlilabad, Azərbaycan

Möhtərəm cənab Prezident.

Kəndimizə yol çəkilməsi üçün göstərdiyiniz xüsusi diqqətə görə Cəlilabad rayonu Abazallı kəndinin sakinləri adından Sizə “çox sağ olun” deyir, dərin minnətdarlığımızı bildiririk.

“Cəlilabad rayonunun Abazallı-Təklə-Şorbaçı-Mədətl-Novruzallı-Məmmədrzalı-Məşədilər-Dostallı-Şötüklü-Boyxanlı-Məlikqasımlı və Şiləvəngə-Adnalı-Bədirli avtomobil yollarının tikintisi ilə bağlı tədbirlər haqqında” 2022-ci il 30 noyabr tarixli Sərəncamınız təkcə bizim kəndin deyil, bir çox kəndin yolunun tikintisini və insanların rahat gediş-gəlişini təmin edəcəkdir. Bu yolun çəkilməsi kəndlərimizin, bütövlükdə rayonumuzun sosial-iqtisadi inkişafına da sözsüz ki, müsbət təsir edəcəkdir.

Uğurlarınız daimi və bol olsun, cənab Prezident.

Hörmətlə,

Qiyasov Elsevər

Tarıverdiyev Mahir

Hüseynov Əlizadə

Azərbaycan Respublikası, Cəlilabad rayonu, Abazallı kəndi.