İlham Zəkiyev və başqalarından, Bakı, Azərbaycan

Möhtərəm cənab Prezident.

Bu il noyabr ayının 8-dən 10-dək Bakı şəhərində, ilk dəfə olaraq, paracüdo üzrə dünya çempionatı keçirilmişdir. Çempionatda ümumilikdə 41 ölkədən 400-ə yaxın idmançı iştirak etmişdir. Bu çempionatda ölkəmizi 7-si kişi və 6-sı qadın olmaqla ümumilikdə 13 idmançı təmsil etmişdir. Komanda yarışlarında idmançılarımız çempionatda iştirak edən bütün komandaları üstələyərək dünya çempionu adını qazanmışdır.

Əziz Prezidentimiz, Zəfər günü ərəfəsində qazanılan bu möhtəşəm Qələbəni Sizə həsr edərək bildiririk ki, Sizin paralimpiyaçı idmançılara göstərdiyiniz diqqət və qayğı bizim üçün həmişə çox böyük həvəsləndirici amil və dəstək olmuşdur. Bu dəstəyi daim öz üzərimizdə hiss edərək söz veririk ki, 2024-cü ildə Parisdə keçiriləcək XVII Yay Paralimpiya Oyunlarında da ölkəmizi layiqincə təmsil edəcəyik.

Dərin hörmətlə,

İlham Zəkiyev - Qarabağ qazisi, tam görmə məhdudiyyətli,

Amil Əliyev - Qarabağ qazisi, tam görmə məhdudiyyətli,

İsmayıl Muradov - tam görmə məhdudiyyətli,

Zakir Mislimov - tam görmə məhdudiyyətli,

Hüseyn Rəhimli - qismən görmə məhdudiyyətli,

Namiq Abaslı - qismən görmə məhdudiyyətli,

Kənan Abdullaxanlı - qismən görmə məhdudiyyətli

Azərbaycan Respublikası, Bakı şəhəri, Nizami rayonu.