Bərdə şəhəri 3 nömrəli tam orta məktəbin kollektivindən, Bərdə, Azərbaycan

Çox hörmətli cənab Prezident.

Siz əbədiyaşar, Türk dünyasının dahi oğlu, Ümummilli Liderimiz Heydər Əliyevin siyasətinin layiqli davamçısısınız. Ölkəmizə rəhbərlik etdiyiniz dövrdən qazandığınız uğurlar buna daha bir danılmaz sübutdur.

Sizin uğurlu siyasətiniz nəticəsində bütün dünyanı bürüyən ölümcül virusla mübarizədə də, Vətən müharibəsində də minimum itki ilə Zəfər qazanmışıq. Hər kəsə məlumdur ki, Siz xalqımızın rifahı və həyat şəraitinin yaxşılaşdırılması üçün yorulmadan çalışır, bir çox sahələrin, o cümlədən təhsilimizin inkişafını ön plana çəkirsiniz. Siz təhsil sahəsini, təhsil siyasətini mükəmməl bilirsiniz.

Dahi Ümummilli Liderimiz “Təhsil millətin gələcəyidir”, “Mən yer üzündə müəllimdən yüksək ad tanımıram” demişdir. Həmin sözlərin nəticəsidir ki, Siz də müəllimləri yüksək ad və medallarla təltif edirsiniz.

Əziz Prezidentimiz, təhsilimizə, gələcəyimizə, həm şagirdlərə, həm də müəllimlərə göstərdiyiniz diqqət və qayğı üçün Sizə dərin minnətdarlığımızı bildiririk.

Hörmətlə,

Bərdə şəhər N.Nərimanov adına 3 nömrəli tam orta məktəbin kollektivi

Azərbaycan Respublikası, Bərdə şəhəri.