Möhtərəm cənab Prezident.

Siz Azərbaycan dövlətinin müasir tarixini yaradan, müstəqil dövlətçiliyimizin xilaskarı və müasir müstəqil Azərbaycanın banisi ulu öndər Heydər Əliyev siyasətini uğurla davam etdirərək, inanılmaz tarixi və hərbi zəfərlərə imza atmaqla, Azərbaycan xalqının tarixində əbədi əlçatmaz zirvələr yaratdınız. Bunun üçün xalqımız Sizə əbədi minnətdar olacaqdır. Sizin müdrikliyiniz, siyasətiniz nəticəsində torpaqlarımız erməni işğalçılardan təmizləndi. Azad olunan rayonlarımızın, kəndlərimizin bərpası Sizin rəhbərliyinizlə həyata keçirilir və inanırıq ki, uzun müddət məcburi köçkün həyatı yaşamış insanlar tezliklə öz ata-baba yurdlarına dönəcəklər. Başladığınız böyük Zəfər yolu bütün türk dünyasını birləşdirəcək və ölkəmiz dünya ölkələri arasında öz yerini daha da yüksəldəcəkdir.

Cənab Prezident, şəhid ailələrinə və müharibə qazilərinə göstərilən xüsusi diqqət və qayğı, vətəndaşların sosial problemlərinin həlli istiqamətində görülən işlər xalqımızın Sizə və dövlətimizə olan inamını daha da artırır. Ağdam əhalisi Sizin və Mehriban xanım Əliyevanın rayonumuza olan diqqət və qayğısını heç vaxt unutmayacaqdır.

Möhtərəm cənab Prezident, Siz uzun illərdir xalqımıza, gənclərimizə yol göstərən mayaksınız. Sizə və Mehriban xanıma cansağlığı, övladlarınıza xoşbəxtlik arzulayıram.

Ulu Öndərin müqəddəs ruhuna sonsuz hörmət və ehtiramla,

Səməd Mustafayev

Azərbaycan Respublikası, Ağdam rayonu, Üçoğlan kəndi.