Zati-aliləri.

Azərbaycan Respublikasının iqtisadi inkişafına verdiyim töhfəyə və sahibkarlıq sahəsində səmərəli fəaliyyətimə görə məni “Dostluq” ordeni ilə təltif etdiyiniz üçün Sizə sonsuz təşəkkürlərimi bildirmək istəyirəm.

Sülh və sabitliyi hədəfləyən, ümumbəşəri dəyərləri bu kontekstdə xarici siyasətin mühüm təməl daşına çevirən ölkələrimiz, regionda və dünyada sülhün bərqərar olmasında fəal və konstruktiv rol oynayır. Sizin rəhbərliyinizlə Azərbaycan özünün tarixi, mədəni və coğrafi xüsusiyyətlərini, inkişaf etmiş iqtisadi imkanlarını güclü siyasi iradə ilə birləşdirmiş və bununla da regionumuzdakı mənfi konyukturaya baxmayaraq, gələcəyə müsbət baxışını və həll yönümlü siyasətini həm regional, həm də qlobal miqyasda əks etdirməyə nail olmuşdur.

Sizin rəhbərliyinizlə Azərbaycan Ermənistanın 30 ildə qurduğu istehkamları və mövqeləri darmadağın etməklə, 44 gün ərzində Ermənistan ordusunu məhv edərək tarixi qələbə qazandı. Azərbaycan bütün gücünü səfərbər etmiş və bu şərəfli vəzifəni yerinə yetirmişdir. İkinci Qarabağ müharibəsi şanlı tariximizin parlaq bir səhifəsidir.

Ölkələrimiz arasında əlaqələrimizin sürətli inkişafına verdiyiniz töhfələrə və türk işgüzar dairələrinə göstərdiyiniz dəstəyə görə türk iş dünyası adından Sizə təşəkkür etməyi borc bilir, Zati-alinizin və bütün Azərbaycan xalqının Ramazan bayramını səmimi qəlbdən təbrik edirəm.

Hörmətlə,

Mustafa Rifat Hisarcıklıoğlu

Türkiyə Palatalar və Birjalar Birliyinin və Türk Ticarət və Sənaye Palatasının rəhbəri

Türkiyə Respublikası, Ankara şəhəri.