Möhtərəm cənab Prezident, Müzəffər Ali Baş Komandan.

Azərbaycan mədəni irsinin qorunub saxlanılması, xalq ədəbiyyatının inciləri sayılan şair və yazıçılarımızın yaradıcılıqlarının yüksək qiymətləndirilərək əbədiləşdirilməsi yolunda fəaliyyətiniz danılmazdır.

Öz yaradıcılığında aşıq poeziyasını bol həyati müşahidələrlə zənginləşdirən, məzmun və forma rəngarəngliyi, sadə və saf xalq dilindən istifadə edən Aşıq Ələsgər, ümumilikdə, türk xalq ədəbiyyatına misilsiz xidmətlər göstərmiş, şeirin ən uca zirvələrini fəth etmişdir.

Dədə Ələsgərin 200 illik yubileyinin dövlət səviyyəsində qeyd edilməsi və Aşıq Ələsgərin abidəsinin ucaldılması haqqında imzaladığınız sərəncamlar xalqımız və dövlətimiz üçün çox dəyərlidir. Sizə ailə üzvlərim adından dərin minnətdarlığımı bildirirəm. Azərbaycan və xalqımız üçün gördüyünüz işlər, göstərdiyiniz fədakarlıqlar Sizi hər zaman xalqın ürəyində, tarixdə əbədi yaşadacaqdır.

Allah Sizi qorusun.

Hörmətlə,

Bayramova Təranə Eyvaz qızı

Azərbaycan Respublikası, Bakı şəhəri, Səbail rayonu.