Cənab Müzəffər Ali Baş Komandan!

Sizi “Türk Dünyasının Ali Ordeni” ilə təltif olunmağınız münasibətilə səmimi qəlbdən təbrik edirik. Sizə uzun ömür, cansağlığı, işlərinizdə yeni uğurlar arzulayırıq. Biz Sizinlə fəxr edirik. Fəxr edir, qürur duyuruq ki, 30 il işğal altında olan torpaqlarımız Sizin komandanlığınızla 44 gündə işğaldan azad olundu. Bütün dünya Azərbaycan Ordusunun gücünə heyran qaldı. Dövlətimiz, Ordumuz bu Qələbə ilə daha da möhkəmləndi.

Əziz Prezidentimiz, Siz həmişəki kimi xalqın sevgisini qazandınız. "Dəmir yumruq" düşməni göz açmağa qoymadı. Cəbhə ilə yanaşı, informasiya müharibəsində də Qələbə qazandıq.  Məcburi köçkün düşmüş soydaşlarımız Sizin sayənizdə öz vətənlərinə, doğma yurdlarına qovuşdu. Nə yaxşı ki, varsınız, nə yaxşı ki, bizim Prezidentimizsiniz.

Hörmətlə,

Hüseynov Arif

Azərbaycan Respublikası, Tərtər rayonu, Azad Qaraqoyunlu kəndi.