Möhtərəm cənab Prezident,

Siz xalqın xilaskarı, torpaqlarımızı işğaldan azad edərək tarixi ədaləti bərpa edən Müzəffər Ali Baş Komandanımızsınız. Sizin həyata keçirdiyiniz uğurlu daxili və xarici siyasət sayəsində Azərbaycan böyük inkişaf yolu keçmiş, dünya miqyasında öz sözünü deyən, öz mövqeyini qətiyyətlə qoruyan bir dövlətə çevrilmişdir.

Müzəffər Ali Baş Komandan, Sizi “Türk Dünyasının Ali Ordeni” ilə təltif olunmağınız münasibətilə böyük fəxarət hissi ilə səmimi qəlbdən təbrik edirəm. Sizə möhkəm cansağlığı diləyir, xalqımızın rifahı naminə həyata keçirdiyiniz işlərinizdə yeni-yeni uğurlar və müvəffəqiyyətlər arzulayıram.

Böyük hörmət və ehtiramla,

Həsənov Elgün Ələsgər oğlu,

“Qubadlının azad olunmasına görə”, “Füzulinin azad olunmasına görə”, “Şuşanın azad olunmasına görə” medalları ilə təltif edilmiş Vətən müharibəsi iştirakçısı, boks idman növü üzrə məşqçi-müəllim

Azərbaycan Respublikası, Ağcabədi şəhəri.