Hörmətli cənab Prezident.

Sizin “Türk Dünyasının Ali Ordeni” ilə təltif olunmağınız bizi çox sevindirdi. Bu türk dünyasının Sizin Vətən müharibəsindəki şanlı qələbənizə verdiyi ən yüksək dəyər və ali mükafatdır. Bu günlər ərzində bütün Azərbaycan xalqı Sizin çıxışınızı, müjdənizi səbirsizliklə gözləyirdi. Sizin çıxışınız zamanı “... mən belə zənn edirəm ki, bu mükafat bütün Azərbaycan xalqına verilmiş mükafatdır” deməyiniz nə qədər sadə və xalqını sevən bir lider olduğunuzu bir daha sübut edir.

Mənə “Əməkdar kənd təsərrüfatı işçisi” adı verdiyinizdə də çox sevinmişdim. İndi isə daha çox sevinirəm, çünki Siz hamımızı sevindirdiniz.

Uca Allah Sizi həmişə sevindirsin və qorusun, cənab Prezident. Biz Sizinlə fəxr edirik.

Hörmətlə,

Qurbanov Firuddin Hacı oğlu

Azərbaycan Dövlət Aqrar Universitetinin professoru

Azərbaycan Respublikası, Gəncə şəhəri.