Cənab Prezident, Müzəffər Ali Baş Komandan.

Bu günlərdə keçirdiyimiz qürur və fəxr hisslərimiz ölçüyə sığmır. Ona görə ki, Sizə verilən “Türk Dünyasının Ali Ordeni” 17 illik yorulmaz fəaliyyətinizin zirvəsi, şücaətli və əzmli əməllərinizə verilən ən ali qiymətdir.

Cənab Prezident, Siz təkcə xalqımızın deyil, bütöv türk xalqının XXI əsr qəhrəmanısınız. Siz Qarabağın xoşbəxt gələcəyinin müəllifi və rifahının qarantısınız.

Hamımıza məlumdur ki, türk birliyinin böyük təşkilata çevrilməsi əslində dünya siyasət meydanında yeni keyfiyyət dəyişikliyinin bünövrəsi, eyni zamanda, dil, mədəniyyət və din daşıyıcısı olan türk xalqlarının bir araya gəlməsinə, ortaq dəyərlər təməlində sülhpərvər birgə yaşayışın möhkəmlənməsinə ən böyük töhfədir.

Sizə verilən bu böyük qiymət əslində bütöv xalqımıza, Azərbaycanımıza verilən tarixi qiymətdir.

Siz ədalət və sülh carçısı, ulu öndər Heydər Əliyev dühasının qoyub getdiyi vəsiyyətin gerçəkçisi, türk dünyasının oğlu və böyükdən kiçiyə hər birimizin fəxrisiniz.

Ali mükafata layiq görülməyiniz münasibətilə təbrik edir, cansağlığı və işlərinizdə uğurlar arzulayırıq.

Allah Sizi qorusun.

Dərin ehtiramla,

Azad Bayramov,

Elgün Aslanov.

Azərbaycan Respublikası, Gəncə şəhəri.