Möhtərəm cənab Prezident.

Mən həmişə Sizin çıxışlarınızı, müsahibələrinizi böyük maraqla və sevinclə izləyirəm. Bu günlərdə “CNN Türk” telekanalına müsahibənizi izləyərkən növbəti dəfə fəxarət hissi duydum. Hər dəfə Sizin dünya ictimaiyyətinə səslənərək qətiyyətli mövqe nümayiş etdirməyiniz bütün vətəndaşlarımız kimi məni də qürurlandırır. Müsahibənizdə Siz qalib ölkəmizin prinsipial mövqeyini növbəti dəfə qətiyyətlə ifadə etdiniz, “əgər yenə də erməni faşizmi baş qaldırmağa cəhd belə göstərsə, biz onun başını bir daha əzəcəyik” deməklə Ermənistana və onun havadarlarına yerlərini göstərdiniz.

Cənab Prezident, Siz Azərbaycan xalqı üçün önəm kəsb edən, taleyüklü problemlərin həllində hər zaman möhkəm iradə, prinsipiallıq, uzaqgörənlik nümayiş etdirmisiniz və məqsədyönlü, düşünülmüş siyasət yürütmüsünüz. Otuz ilə yaxın idi işğal altında qalan torpaqlarımız məhz bu siyasətin nəticəsində azad edildi, ölkəmizin ərazi bütövlüyü bərpa olundu. Biz Sizin siyasətinizi dəstəkləyirik və hər zaman dəstəkləyəcəyik.

Sizə möhkəm cansağlığı, ölkəmizin daha da inkişafı, xalqımızın firavanlığı naminə yorulmaz fəaliyyətinizdə yeni müvəffəqiyyətlər arzulayıram.

Hörmətlə,

İbadət İbadov

Azərbaycan Respublikası, Bakı şəhəri, Yasamal rayonu.