Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Qarabağ müharibəsində qazanılmış zəfərin sevinci və qüruru ilə Sizi və Azərbaycan xalqını “COJEP INTERNATIONAL” təşkilatı adından, şəxsən öz adımdan 28 May – Respublika Günü münasibətilə səmimi qəlbdən təbrik edirəm.

Şanlı Azərbaycan bayrağı bu il mayın 28-də işğaldan azad edilən torpaqlarda da dalğalanır. Can Azərbaycanın yaşadığı bu tarixi dövr türk dünyası üçün yeni bir nəfəs olub.

Azad Azərbaycanın müstəqilliyi əbədi olsun. Azərbaycanın müstəqilliyinin əbədi olması, haqq işinin bütün dünyaya çatdırılması, beynəlxalq platformalarda can Azərbaycanın mövqelərinin möhkəmlənməsi üçün “COJEP INTERNATIONAL” təşkilatı olaraq bundan sonra da daim yanınızda olacağıq.

Zati-aliləri, “COJEP INTERNATIONAL” təşkilatı adından və şəxsən öz adımdan dərin hörmət və ehtiramımızla Sizə və Birinci vitse-prezident Mehriban xanım Əliyevaya, can Azərbaycan xalqına ən səmimi təbriklərimizi çatdırırıq.

Üç rəngli bayrağınla məsud yaşa, can Azərbaycan.

Ali Gedikoğlu

Fransanın Strasburq şəhərindən “COJEP INTERNATIONAL” təşkilatının prezidenti