Möhtərəm Prezident!

Qazaxda Ədəbiyyat Muzeyinin tikilməsi ilə bağlı verdiyiniz sərəncama görə Sizə öz adımdan və qazaxlı ziyalılar, yazarlar adından dərin minnətdarlığımı bildirirəm. Siz öz fəaliyyətinizlə Ulu öndər Heydər Əliyev ənənələrini möhtəşəm şəkildə davam etdirdiyinizi bir daha bəyan etdiniz. Ayırdığınız böyük vəsaitlə milli dəyərlər üzərində qurulub inkişaf edən Azərbaycanımızın milli ruhlu prezidenti olduğunuzu əməli iş, sevgi və ləyaqətlə təsdiq etdiniz.

Biz yazıçıları yeni-yeni əsərlər yazmağa ruhlandırdığınız üçün, ruhumuza, milli dəyərlərimizə, Quranda and içilən qələmə aşıladığınız ehtiram üçün qarşınızda ehtiramla baş əyirəm, Azərbaycanın daha da çiçəklənməsi naminə gördüyünüz işlərdə Sizə daha böyük uğurlar və cansağlığı arzulayıram.

Hörmətlə,

Barat Vüsal, Azərbaycan Yazıçılar Birliyi Qazax zona filialının sədri, şair, Əməkdar incəsənət xadimi.

Azərbaycan Respublikası, Qazax rayonu.