Hörmətli cənab Prezident,

Siz bu şanlı qələbə ilə Azərbaycan xalqını, həmçinin bütün türk dünyasını sevincə qərq etdiniz.

Məhz Sizin fədakarlığınız sayəsində ölkəmiz günü-gündən güclənir, inkişaf edir və çiçəklənir. Apardığınız daxili və xarici siyasət xalqımızın rifahına xidmət edir. Sizin mötəbər görüşlərinizi, çıxışlarınızı diqqətlə izləyirəm. Sizin, 4 dildə və 4 saatlıq olan mətbuat konfransı bir azərbaycanlı kimi məni də qürurlandırdı. Bütün dünya ölkələrinə bəyan oldu ki, Azərbaycanın mövqeyi informasiya cəbhəsində də güclüdür.

Cənab Prezident, bütün türk dünyasını qürurlandıran Qələbəyə və 4 dildə 4 saatlıq mətbuat konfransı ilə imza atdığınız rekorda görə Sizi səmimi qəlbdən təbrik edirəm.

Hörmətlə,

Əlizadə Əfsun Səxavət oğlu

Azərbaycan Respublikası, Biləsuvar şəhəri.