Hörmətli cənab Prezident,

Mənim 13,12 və 7 yaşlı üç oğlum var. Biz Sizi çox sevirik. Sizin çıxışlarınız bizi ruhlandırır. Mənim övladlarım Sizinlə fəxr edir, qürur duyur.

Siz Qarabağ azad olunandan sonra Şuşada dalğalanacaq bayrağı Azadlıq meydanına gətirəcəyiniz barədə vədinizi yerinə yetirdiniz. Mən də övladlarıma onları Qarabağa aparacağım barədə söz vermişəm.

Bu günlərə görə Sizə təşəkkür edirik. Sizinlə və Ordumuzla fəxr edirik. Dəmir yumruğunuz daim var olsun.

Biz dağ kəndində yaşayan aztəminatlı ailəyik. Bu yaxınlarda özünüməşğulluq proqramı çərçivəsində bir cüt iri buynuzlu heyvanla təmin olunduq. Buna görə də Sizə minnətdarlıq bildirirəm.

Artıq biz Sizin, şəhidlərimizin, qazilərimizin sayəsində azad, bütövləşmiş Azərbaycanda rahat yaşayacağıq.

Yaşasın Azərbaycan Ordusu!

Qarabağ Azərbaycandır!

Hörmətlə,

Paşayeva Kəmalə Kərəm qızı

Azərbaycan Respublikası, Tovuz rayonu, Əsrik Cırdaxan kəndi.