Möhtərəm Prezident, Müzəffər Ali Baş Komandan.

Vətən müharibəsində böyük Qələbə münasibətilə Sizi ürəkdən təbrik edirəm. Siz artıq təkcə Azərbaycan tarixinə yox, dünya tarixinə fatehlər fatehi kimi düşmüsünüz. Həm də adınız tarixdə ədalətli və sülhpərvər, adı tarixdə qızıl hərflərlə yazılmış fateh kimi qalacaq.

Möhtərəm cənab Prezident, əməyinizin qiymətini verə biləcək ifadə tapmaqda çətinlik çəkirəm. Çünki, Siz Azərbaycan tarixini yenidən, şanlı səhifələrdən başladınız. Mən də müharibə başladığı gündən döyüşlərdə iştirak etmək arzusu ilə yaşamışam, indi də hər bir tapşırığınıza hazıram.

Sizə “Xalq Qəhrəmanı” adı verilməsi hər bir azərbaycanlının arzusudur. Bu günlərdə hər dəqiqə Sizin yanınızda olduğunu bildirən, daim mənəvi dəstəyini göstərən Rəcəb Tayyib Ərdoğana da “Türk Dünyasının Qəhrəmanı” adı verilməsi hamımızın ürəyimizdən olardı.

Ulu Tanrı Sizin hər ikinizə yar və yardımçı olsun!

Hörmətlə,

Tofiq Şahmarov

“İgidliyə görə” medalı ilə təltif olunmuş Qarabağ müharibəsi veteranı

Azərbaycan Respublikası, Masallı rayonu.