Hörmətli cənab Prezident.

Siz Azərbaycanın nurlu günəşi, dünya şöhrətli ulu öndərimiz Heydər Əliyevin qeyrətli, qəhrəman oğlu, Azərbaycan xalqına qəhrəmanlıq qələbəsi yaşadan Ali Baş Komandansınız.

Mənim 94 yaşım var. 30 ildə Vətənimiz 20 faiz torpağımızın həsrəti ilə yaşadıq. Sizin və qəhrəman Ordumuzun sayəsində Qarabağımız azad oldu. 44 gündə igid Azərbaycan əsgəri erməni ordusuna elə bir ağır zərbələr endirdi ki, bütün dünya bu hərbi gücə heyran qaldı. Bu yaşımda Qarabağ həsrətinə son qoyulduğunu gördüyüm üçün, bu sevincli hissləri yaşadığıma görə Sizə minnətdaram.

Eşq olsun Azərbaycana, eşq olsun Azərbaycan Ordusuna, eşq olsun Azərbaycanın Ali Baş Komandanı İlham Əliyevə!

Sizin bu qəhrəmanlıq qələbəniz dünya tarixinin qızıl fonduna salınacaq. Vətənimizi erməni işğalından azad edərək həm türk dünyasının, həm 55 milyonluq Azərbaycan xalqının təşəkkürlərini qazandınız.

Şanlı qələbəyə görə, torpağımızı erməni işğalından azad etdiyinizə görə Sizə ordu generalı rütbəsi verilməsi, həmçinin “Vətən qəhrəmanı” I dərəcəli qızıl ordeni ilə təltif edilməniz hamımızın ürəyindən olardı.

Hörmətlə,

Hüseyn Həsənov

Azərbaycan Respublikası, Bakı şəhəri, Nərimanov rayonu.