Çox hörmətli Prezident, Müzəffər Ali Baş Komandan.

Sizi uca Allahın adı ilə salamlayır, daim Sizi qorumasını arzulayıram.

Siz Azərbaycanımızın işğal edilmiş bütün torpaqlarını geri qaytarıb ərazi bütövlüyümüzü təmin etdiniz. Sizin sayənizdə ölkəmiz daha da güclənəcək, inkişaf edəcək, rəhbərliyinizlə xalqımız gözəl və rahat həyat yaşayacaq.

Allahdan Sizə duam odur ki, hər zaman onun sevib nəzərində saxladığı bəndələrindən olasınız, hər zaman düşmən qarşısında məğrur dayanasınız.

Siz tək Azərbaycanımıza deyil, eləcə də bütün türk dünyasına yeni nəfəs verən bir lidersiniz. Allah ulu öndərimiz Heydər Əliyevə və bütün şəhidlərimizə rəhmət etsin, şükürlər olsun ki, bu gün onların ruhları şaddır. Allah yaralılarımıza şəfa versin və onları qorusun.

Sizin şəhid və qazi ailələrinə olan xüsusi diqqətiniz bizi çox qürurlandırır. Torpaqlarımızın azad olunmasında iştirak edən hər bir şəxsə göstərdiyiniz qayğı Sizin dahi şəxsiyyət və gözəl qəlbli insan olduğunuzdan xəbər verir.

Fəxr edirəm ki, azərbaycanlıyam və Vətənimə, dövlətimə, xalqıma, dinimizə bağlıyam!

Hörmətlə,

Ramal Həsənov

Azərbaycan Respublikası, Bakı şəhəri, Xətai rayonu.