Hörmətli cənab Prezident,

Siz xalqımızın Şah Abbas qürurlu, Sultan Süleyman düşüncəli, Allahın Azərbaycana bəxş etdiyi Ulu Öndərin layiqli davamçısı olaraq xilaskarısınız. Siz 44 günlük Vətən müharibəsini böyük Qələbə ilə başa vuraraq 30 illik həsrətimizə son qoydunuz. Şanlı Ordumuz qalibiyyət qazanaraq, üçrəngli Bayrağımızı Qarabağımızın hər bir guşəsində dalğalandırdı, zəfər qazandı. Vətən uğrunda canlarından keçən bütün şəhidlərimizə Allahdan rəhmət, valideynlərinə isə səbir diləyirəm, məkanları cənnət olsun deyirəm.

Bu gündən sonra Allahdan bütün türk dünyasına aydın səma, sülh və əmin-amanlıq arzulayıram. İki yenilməz dövlət, bir millət olaraq qoşa bayraqlarımız qürurla daima dalğalansın. Allahın köməyi ilə Azərbaycan-Türkiyə sərkərdələri daima qoşa addımlasın. İnşallah!

Cənab Prezidentimiz, Sizi vəsf etməyə kəlmələr yetməz. Allah Sizi həmişə var eləsin! Sizə neçə belə 100 illər ömür arzulayıram.

Hörmətlə,

Süleymanova Fatma Bəhmən qızı

Azərbaycan Respublikası, Bakı şəhəri, Sabunçu rayonu, Ramanı qəsəbəsi.