Möhtərəm Prezident, Müzəffər Ali Baş Komandan!

Bu gün bütün Azərbaycan xalqı və bütün türk dünyası Sizin müdrik rəhbərliyinizlə dövlətimizin suverenliyi və ərazi bütövlüyü uğrunda aparılan Vətən müharibəsində əldə edilmiş parlaq Qələbəni böyük qürur və fəxarət hissi ilə təntənəli şəkildə qeyd edir.

Bünövrəsi ulu öndərimiz Heydər Əliyev tərəfindən qoyulmuş Azərbaycan Respublikası Silahlı Qüvvələrinin Sizin rəhbərliyinizlə qısa müddət ərzində erməni hərbi birləşmələrini darmadağın edərək işğal altında qalan qədim və əzəli torpaqlarımızı əsarətdən xilas etməsi tarixə qızıl hərflərlə yazıldı.

Ağcabədi Regional Mədəniyyət İdarəsinin bütün kollektivi inanır və əmindir ki, Sizin müdrik və qayğıkeş rəhbərləyinizlə işğaldan azad edilmiş bütün şəhər və kəndlərimizdə qısa zamanda yenidən quruculuq işləri aparılacaq və on minlərlə məcburi köçkün ailələri doğma yurdlarına qayıdacaqlar.

Yaşasın Azərbaycan Respublikasının şanlı və müzəffər Ordusu və Müzəffər Ali Baş Komandanı!

Qarabağ bizimdir!

Qarabağ Azərbaycandır!

Hörmətlə,

Quliyev Rza, Ağcabədi Regional Mədəniyyət İdarəsinin müdiri

Azərbaycan Respublikası, Ağcabədi rayonu.