Möhtərəm cənab Prezident.

Ulu babalarımızdan bizə miras qalmış Azərbaycan torpaqlarının erməni işğalçılarından azad olması uğrunda verdiyiniz əmrlər ölkəmizin hər bir vətəndaşının ürəyində niskilli qalan otuz illik arzularımızın həyata keçməsinə səbəb oldu.

Sizin uzaqgörən siyasətinizin nəticəsidir ki, Azərbaycan milli ordusu ən müasir silahlarla təmin olunmuş və həyata keçirilən hərbi əməliyyatlar bunu bir daha sübuta yetirir.

Ən mühüm və vacib cəhətlərdən biri də budur ki, Sizin uzun illər ərzində çalışdığınız milli birliyin yaranması, kiçikdən tutmuş böyüyə qədər hər bir vətəndaşın Vətən uğrunda mübarizəyə hazır olması bizlərdə fəxarət hissi oyadır.

Cənab Prezident, Sizin “Rusiya-1” telekanalının “60 dəqiqə” verilişinə, CNN-Türk, Əl-Cəzirə, Əl-Ərəbiyə, Euronews telekanallarının müxbirlərinin suallarına verdiyiniz cavablar, yerli televiziya ilə ölkə sakinlərinə müraciətiniz Azərbaycan vətəndaşı olmağımız, Sizin kimi müdrik və cəsarətli bir Prezidentimizin rəhbərliyi altında fəaliyyət göstərməyimiz hər birimizin qəlbində qürur hissi yaradır.

Bu məqamda “Xalq-Heydər, Heydər-Xalq” şüarı eynilə “Xalq-İlham, İlham-Xalq” kəlamlarının nə qədər doğru və yerində olduğunu hər birimizə göstərdi.

Qədim Gəncə şəhəri də tarixən yadelli işğalçılara qarşı daima mübarizə aparmış, Vətən uğrunda canlarından keçməyi həmişə öz əməli işləri ilə ifadə etmişlər.

Sizə müraciət etməkdə məqsədimiz hər an Sizinlə birgə olduğumuzu və tapşırılan hər bir aidiyyəti məsələnin yerinə yetirilməsində canımız və qanımızla hazır olduğumuzu bildirməkdir.

Hörmətlə,

Gəncə ziyalıları adından

Fuad Əliyev - AMEA-nın həqiqi üzvü

İbrahim Cəfərov - AMEA-nın müxbir üzvü

Vaqif Novruzov - AMEA-nın müxbir üzvü

Yusif Yusibov - Professor

Akif Süleymanov - Professor

Xalid Qurbanov - Gəncə şəhər Ağsaqqallar Şurasının sədri, Professor

Kamil Fətəliyev - Professor

Xəlil Yusifli - Professor

Həsənbala Sadıqov - Professor

Elşad Məmmədov - Professor

Nazim Əhmədov - Əməkdar həkim

Mehman Rzayev - Əməkdar həkim

Məmmədəli Balayev - Xalq artisti

Azərbaycan Respublikası, Gəncə şəhəri.