Ümumdünya Poçt Konvensiyasına və onun Yekun Protokoluna qoşulmaq haqqında Azərbaycan Respublikasının Qanunu

23 dekabr 2019, 18:12

Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 4-cü bəndini rəhbər tutaraq qərara alır:

1. Azərbaycan Respublikası 2016-cı il oktyabrın 6-da İstanbul şəhərində qəbul edilmiş Ümumdünya Poçt Konvensiyasına və onun Yekun Protokoluna Azərbaycan Respublikasının ona dair bəyanatı ilə qoşulsun.

2. Azərbaycan Respublikasının aşağıdakı qanunları bu Qanun qüvvəyə mindiyi gündən ləğv edilsin:

2.1. “Ümumdünya Poçt Konvensiyasına qoşulmaq haqqında” Azərbaycan Respublikasının 2002-ci il 19 fevral tarixli 265-IIQ nömrəli Qanunu (Azərbaycan Respublikasının Qanunvericilik Toplusu, 2002, № 4 (I kitab), maddə 168);

2.2. “Ümumdünya Poçt Konvensiyasına və onun Yekun Protokoluna qoşulmaq barəsində” Azərbaycan Respublikasının 2004-cü il 22 iyun tarixli 701-IIQ nömrəli Qanunu (Azərbaycan Respublikasının Qanunvericilik Toplusu, 2004, № 7, maddə 516);

2.3. “Ümumdünya Poçt Konvensiyasının təsdiq edilməsi haqqında” Azərbaycan Respublikasının 2008-ci il 1 aprel tarixli 567-IIIQ nömrəli Qanunu (Azərbaycan Respublikasının Qanunvericilik Toplusu, 2008, № 5, maddə 334);

2.4. “Ümumdünya Poçt Konvensiyasının Yekun Protokolunun təsdiq edilməsi haqqında” Azərbaycan Respublikasının 2008-ci il 1 aprel tarixli 568-IIIQ nömrəli Qanunu (Azərbaycan Respublikasının Qanunvericilik Toplusu, 2008, № 5, maddə 335);

2.5. “Ümumdünya Poçt Konvensiyasına və onun yekun Protokoluna qoşulmaq haqqında” Azərbaycan Respublikasının 2012-ci il 21 dekabr tarixli 514-IVQ nömrəli Qanunu (Azərbaycan Respublikasının Qanunvericilik Toplusu, 2013, № 2, maddə 84);

2.6. “Ümumdünya Poçt Konvensiyasına və onun yekun Protokoluna qoşulmaq haqqında” Azərbaycan Respublikasının 2016-cı il 4 mart tarixli 167-VQ nömrəli Qanunu (Azərbaycan Respublikasının Qanunvericilik Toplusu, 2016, № 3, maddə 425).

İlham Əliyev

Azərbaycan Respublikasının Prezidenti

Bakı şəhəri, 3 dekabr 2019-cu il.

SƏNƏDLƏR Müraciətlər 05 noyabr 2024
10:12
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində “Dünya dinləri yaşıl planet uğrunda” şüarı altında keçirilən Dini Liderlərin Qlobal Sammitinin iştirakçılarına

Hörmətli Sammit iştirakçıları!

Sizi “Dünya dinləri yaşıl planet uğrunda” şüarı altında keçirilən Dini Liderlərin Qlobal Sammitinin açılışı münasibətilə Bakı şəhərində səmimi-qəlbdən salamlayıram.

Bu gün dünyamızın...

05 noyabr 2024, 10:12
SƏNƏDLƏR Sərəncamlar 04 noyabr 2024
13:00
C.H.Musayevin Naxçıvan Muxtar Respublikası Naxçıvan Şəhər İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 141-ci maddəsini rəhbər tutaraq qərara alıram:                                        

Cabbar Hafiz oğlu Musayev Naxçıvan Muxtar Respublikası Naxçıvan Şəhər İcra Hakimiyyətinin...

04 noyabr 2024, 13:00