Azərbaycan Respublikasının Birinci vitse-prezidenti, Heydər Əliyev Fondunun prezidenti, Azərbaycan Gimnastika Federasiyasının prezidenti, UNESKO və ISESKO-nun xoşməramlı səfiri Zati-aliləri xanım Mehriban Əliyevaya

Zati-aliləri.

Ad gününüz münasibətilə ürəkdən gələn səmimi təbriklərimi qəbul edin.

Çoxşaxəli dövləti və ictimai fəaliyyətiniz, nadir təşkilatçılıq istedadınız, dərin erudisiya və böyük həyat enerjisi Sizə təkcə doğma dövlətinizdə deyil, onun hüdudlarından kənarda da layiq olduğunuz nüfuz, şərəf və ehtiram qazandırıb.

Ölkənizin iqtisadi potensialının və qüdrətinin möhkəmlənməsi, rifahının yüksəlməsi, həmçinin müxtəlif ölkələrin xalqları arasında dostluq əlaqələrinin genişlənməsi sahəsində Sizin səyləriniz Azərbaycan Respublikasının ictimai-siyasi həyatının inkişafına böyük töhfə verir.

Bu xoş fürsətdən istifadə edərək, dinamik şəkildə inkişaf edən Belarus-Azərbaycan əməkdaşlığına göstərdiyiniz diqqətə görə Sizə səmimi minnətdarlığımı bildirirəm.

Sizə səmimi qəlbdən möhkəm cansağlığı, əmin-amanlıq, yeni nailiyyətlər və yüksək dövləti vəzifədə peşəkar fəaliyyətinizdə yeni-yeni uğurlar arzulayıram.

Hörmətlə,

Gennadi Axramoviç

Belarus Respublikasının Azərbaycan Respublikasındakı səfiri