Hörmətli cənab Prezident.

“Diqlas” ticarət mərkəzində baş verən yanğınla əlaqədar keçirilən

müşavirədəki çıxışınızı televiziya vasitəsilə izlədim. Yanğın zamanı

zərər çəkmiş sahibkarlara dəymiş maddi ziyanın dövlət tərəfindən

ödənilməsi ilə bağlı göstərişiniz məndə böyük sevinc hissi yaratdı.

Mən sahibkar olmasam da, bu yanğın hadisəsindən ziyan

çəkməsəm də Sizin belə humanist addımınız mənə sevinməyə əsas

verir. Çünki ziyana düşmüş insanlar bizim vətəndaşlarımızdır. Sizin

onlara dəstək olmağınız həm böyüklüyünüzün, həm də milli birliyimizin

rəmzidir.

Möhtərəm cənab Prezident, çətinliklə üzləşmiş vətəndaşlara

göstərdiyiniz köməyə görə Sizə təşəkkür edirəm. Allah hər zaman

köməyiniz olsun.

Hörmətlə,

Məmmədov Ələddin Kamil oğlu.

Azərbaycan Respublikası, Mingəçevir şəhəri.