logo

Azərbaycan Prezidentinin Rəsmi internet səhifəsi

Gürcüstanın Çin Xalq Respublikasında fövqəladə və səlahiyyətli səfiri David Aptsiauridən

Text size icon-size icon-size

23 aprel 2018, 17:45

Azərbaycan Respublikasının Prezidenti Zati-aliləri cənab İlham Əliyevə

Əziz İlham Heydər oğlu.

Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.

Azərbaycan xalqı Sizə səs verməklə şəxsən Zati-alinizə, həmçinin Azərbaycan rəhbərliyinin daxili və xarici siyasət kursuna dərin etimad və ehtiramını əyani sübut etdi.

Şadam ki, Azərbaycan xalqının ümummilli lideri Heydər Əliyevin dövlətçilik ənənələrini Siz və ailəniz ləyaqətlə və şərəflə davam etdirirsiniz.

Məmnunluqla qeyd edim ki, hazırda çalışdığım Çində Azərbaycanın nüfuzu durmadan artmaqdadır.

Tələbəlik illərimizi hər zaman xoş xatirələrlə yada salır, həyatımızın müxtəlif mərhələlərindəki dostcasına görüşlərimizi səmimi duyğularla xatırlayıram. Daimi diqqətinizə və əvəzsiz dəstəyinizə görə bir daha minnətdarlığımı bildirmək istərdim.

Sizə, gözəl və istedadlı ailənizə qardaş Azərbaycanın rifahı naminə möhkəm cansağlığı, xoşbəxtlik və böyük uğurlar diləyirəm.

Dərin hörmət və səmimi hisslərlə,

David Aptsiauri

Gürcüstanın Çin Xalq Respublikasında fövqəladə və səlahiyyətli səfiri

www.president.az

Azərbaycan Prezidentinin Rəsmi internet səhifəsi