logo

Azərbaycan Prezidentinin Rəsmi internet səhifəsi

Belarus Respublikasının Prezidenti Aleksandr Lukaşenkodan

Text size icon-size icon-size

12 aprel 2018, 12:45

Azərbaycan Respublikasının Prezidenti Zati-aliləri cənab İlham Əliyevə

Hörmətli İlham Heydər oğlu.

Azərbaycan Respublikasının Prezidenti seçkilərində inamlı qələbəniz münasibətilə Sizi təbrik edirəm.

Səsvermənin nəticələri seçicilərin ardıcıl surətdə həyata keçirilən güclü və firavanlaşan Azərbaycan quruculuğuna yönəlmiş kurs ilə yüksək həmrəyliyini təsdiq etdi.

Əminəm ki, dövlət başçısı kimi məsul vəzifədə fəaliyyətiniz ölkənizin iqtisadi qüdrətinin və onun beynəlxalq nüfuzunun daha da möhkəmlənməsini təmin edəcək, Belarus-Azərbaycan dostluq münasibətlərinin hərtərəfli inkişafına şərait yaradacaq.

Hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik, tükənməz enerji və nəzərdə tutduğunuz planların həyata keçirilməsində uğurlar arzu edirəm.

Hörmətlə,

Aleksandr Lukaşenko

Belarus Respublikasının Prezidenti

www.president.az

Azərbaycan Prezidentinin Rəsmi internet səhifəsi