Prezident İlham Əliyev respublikamızın qərb bölgəsinə səfəri çərçivəsində Qazax rayonuna gəlmişdir.

Dövlət başçısı əvvəlcə Azərbaycan xalqının ümummilli lideri Heydər Əliyevin Qazax şəhərinin mərkəzində ucaldılmış abidəsini ziyarət edərək gül dəstəsi qoydu.

Prezident İlham Əliyevə abidənin ətrafında salınan Heydər parkında aparılmış abadlıq və quruculuq işləri barədə ətraflı məlumat verildi.

Sonra Prezident İlham Əliyev Qazax rayon ictimaiyyətinin nümayəndələri ilə görüşdü.