Neftçala rayonu Xıllı qəsəbəsi 1 saylı tam orta məktəbin pedaqoji kollektivindən, Neftçala, Azərbaycan

Hörmətli Mehriban xanım.

Heydər Əliyev Fondu yarandığı gündən fəaliyyətini ölkənin ictimai siyasi həyatında mühüm əhəmiyyət kəsb edən məsələlərə yönəltmiş, təhsil və mədəniyyət sahələrindəki problemləri həll etməklə Azərbaycan ictimaiyyətində böyük nüfuza sahib olmuşdur. Heydər Əliyev Fondu öz fəaliyyəti ilə beynəlxalq aləmdə də yüksək nüfuz qazanmışdır.

Hörmətli Mehriban xanım, Neftçala rayonu R.Gözəlov adına Xıllı qəsəbə 1 saylı tam orta məktəbi Sizin göstərişiniz əsasında əsaslı surətdə təmir olunmuş, məktəbin əvvəlki görkəmi tamamilə dəyişmiş, məktəb ən müasir avadanlıqlarla təmin olunmuş, istilik sistemi müasir tələblər əsasında yenilənmiş, sanitar qovşaqları və kanalizasiyalar təmir olunub yenilənmiş, məktəbin dam örtüyü tamamilə dəyişdirilmişdir.

Məktəbin həyətinə asfalt örtüyü döşənmiş, şəhidlərin xatirəsinə həsr olunmuş guşə yaradılmış, yaşıllıqlar salınmış, su şırnaqları quraşdırılmışdır. Məktəbin həyətində idman meydançaları salınmış, müasir tələblərə cavab verən qazanxana qurulmuşdur. Bütün bu görülən işlərə görə R.Gözəlov adına Xıllı qəsəbəsi 1 saylı tam orta məktəbin pedaqoji kollektivi Sizə dərin təşəkkürünü bildirir.

Məktəbin pedaqoji kollektivi Sizi tam əmin edir ki, yeni təmir olunmuş məktəbdə daha da yüksək təlim nailiyyətləri əldə etmək üçün var qüvvəsi ilə çalışacaqdır.

Hörmətlə,

Neftçala rayonu R.Gözəlov adına Xıllı qəsəbəsi 1 saylı tam orta məktəbin pedaqoji kollektivi

Azərbaycan Respublikası, Neftçala rayonu.