İlhamə Bağırova və başqalarından, Masallı, Azərbaycan

Möhtərəm cənab Prezident.

Sizin və Mehriban xanımın gərgin əməyi sayəsində ölkə öz qüdrətini getdikcə artırır, xalqın güzəranı daha da yaxşılaşır. Respublikamızın hər yerində olduğu kimi, Masallı da öz mənzərəsini büsbütün dəyişib.

Rayonumuzda Heydər Əliyev Fondunun "Məktəbəqədər təhsil müəssisələrinin inkişafi" Proqramına uyğun olaraq yeni uşaq bağçalarının inşası, əvvəlkilərin isə əsaslı təmiri və yenidən qurulması uşaqların hərtərəfli inkişafına xidmət edəcək. Həmin bağçalarda azyaşlılar üçün lazımi şərait yaradılmışdır. Bağçalara ayrılan ərzaq məhsullarının keyfiyyətli və çeşidinin çox olması da valideynlərin və uşaqların sevincinə səbəb olmuşdur.

Gələcək nəsillərin inkişafına göstərdiyiniz diqqət və qayğıya görə bütün valideynlər adından Sizə və Mehriban xanıma öz minnətdarlığımızı bildiririk.

Dərin hörmətlə,

Bağırova İlhamə Adil qızı,

Talıbzadə Fəxrəddin Balakişi oğlu,

İsmayılzadə Gülzadə Əlizadə qızı,

Məmmədova Şəfəq Həmdulla qızı və başqaları (cəmi 9 nəfər).