Oljas Süleymenov, Radomir Andriç və başqalarından

10 oktyabr 2019, 17:10

Azərbaycan Respublikasının Prezidenti Zati-aliləri cənab İlham Əliyevə

Çox hörmətli cənab Prezident.

Biz - 4-cü “LiFFt” Avrasiya Ədəbi Festivallar Festivalının iştirakçıları olan yazıçılar oktyabrın 2-də “Salam, Azərbaycan!” müsabiqəsi çərçivəsində Sumqayıt şəhərində olduq. Şəhərin gözəlliyi və sumqayıtlıların qonaqpərvərliyi bizi valeh etdi.

Bizi şəhər icra hakimiyyətinin başçısı qarşıladı və müşaiyət etdi. Biz möhtəşəm Heydər Əliyev Mərkəzində, Poeziya Evində və əsl möcüzə kimi təsir bağışlayan bulvarda olduq. Öyrəndik ki, bütün bu gözəllik Sizin sayənizdə yaradılıb. Şəhər gülüstana bənzəyir.

Sizin şəxsinizdə Sumqayıta və bütün Azərbaycana səmimi təşəkkürümüzü bildirmək istəyirik.

Düşünürük ki, bu şəhərdən aldığımız təəssürat heç vaxt unudulmayacaq və biz bunu gələcək əsərlərimizdə əks etdirəcəyik.

Hörmətlə,

Oljas Süleymenov

Xalq yazıçısı, Qazaxıstanın Əmək Qəhrəmanı. Sovet dövrünün çoxsaylı orden və medalları, o cümlədən İncəsənət və ədəbiyyat ordeni (Fransa), V dərəcəli Knyaz Yaroslav Mudrıy ordeni (Ukrayna), Dostluq ordeni (Rusiya), “Şöhrət” ordeni (Azərbaycan) ilə təltif edilmiş, Türkiyə Beynəlxalq “Türk dünyasına töhfəyə görə” mükafatı laureatı

Radomir Andriç

Serbiya Yazıçılar İttifaqının sədri. “Qızıl Orfey”, Nikita Staneku, Lukian Blaqa, “Zolotaya ruçka”, Eminesku kimi nüfuzlu Avropa və Serbiya mükafatları laureatı

Yevgeni Popov

Moskva Yazıçılar İttifaqının katibi, Rus PEN-mərkəzinin təsisçisi və vitse-prezidenti, İsveç PEN-mərkəzinin assosiativ üzvü. Rusiya Federasiyasının Əməkdar Mədəniyyət İşçisi. “Bolşaya kniqa” Rusiya mükafatı laureatı. Moskva Yazıçılar İttifaqının “Venets” mükafatı, Macarıstan Mədəniyyət Nazirliyinin “Pro cultura Hungaria” xatirə nişanı, “Triumf” mükafatı ilə təltif edilib.

Aleksandr Selimoviç

UNESKO-nun Amerika Birləşmiş Ştatlarından olan fəxri mədəniyyət səfiri, PEN-Amerikanın, Amerika Şairlər Akademiyasının üzvü, Boliviya Yazıçılar və Rəssamlar İttifaqının fəxri üzvü, Delavar Demokratik Partiyasının Əlaqələndirmə Komitəsinin üzvü və Nyu Kastl Qraflığından deputatlığa namizəd.

Marin Kadiyev

Müstəqil Bolqar Yazıçılar İttifaqının sədri. Bolqarıstan Elm və İncəsənət Akademiyasının üzvü.

Leo Butnaru

Rumıniya Yazıçılar İttifaqının Kişineu filialının sədri. Moldova PEN-Mərkəzinin təsisçi üzvü.

Moldova Respublikasının və Rumıniyanın dövlət təltiflərinə layiq görülüb, Rumıniya Yazıçılar İttifaqının Poeziya Mükafatı, Moldova Respublikasının Milli Mükafatı laureatı.

Urmas Vadi

2010-cu ildə Estoniya Mədəniyyət Fondunun illik teatr mükafatı laureatı, 2011-ci və 2017-ci illərdə nüfuzlu “Friedebert Tuglas Short Stroy Award” mükafatı laureatı. 2012-ci ilin ən vacib romanlarından biri olan “Tagasi Eestisse”nin (Estoniyaya qayıdış) müəllifi.

Marsel Salimov

Rusiya Federasiyasının Dostluq ordeni kavaleri, Başqırdıstanın Əməkdar mədəniyyət işçisi, Rusiya Federasiyasının Əməkdar mədəniyyət işçisi, Rusiya Jurnalistlər İttifaqı mükafatı, Sergey Mixalkov adına Beynəlxalq Ədəbiyyat mükafatı, “Literaturnaya qazeta”nın (“12 stul klubu”nun) “Zolotoy Telyonok” mükafatı laureatı.

Hadaa Sendu

Monqolustanda Ümumdünya poeziya almanaxının təsisçisi. “Minilliyin şairi” mükafatı, “Poeziyada fəth edilmiş zirvələrə görə” Ümumdünya poeziya mükafatı, Metyu Arnold mükafatı (2018); Ümumdünya Yazıçılar İttifaqı mükafatı (2019); “Dünya sülh ikonası” mükafatı (2019) və Müasir intibah ədəbi mükafatı kimi ədəbi mükafatlar laureatı.

Viktor Klıkov

“Avstriya poeziyası” ədəbi klubunun təsisçisi və prezidenti.

APİA Beynəlxalq Yazıçılar və Publisistlər Assosiasiyasının (London) üzvü. Avstriya beynəlxalq PEN klub mərkəzinin üzvü. A.S.Qriboyedov adına medal, David Buryuk gümüş medalı, V.V.Mayakoski ordeni, müxtəlif mükafatlar laureatı və başqaları.

SƏNƏDLƏRFərmanlar14 oktyabr 2019
17:45
Azərbaycan Respublikası Prezidentinin “Azərbaycan Respublikasının Şəhərsalma və Tikinti Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” Azərbaycan Respublikasının 2012-ci il 29 iyun tarixli 392-IVQ nömrəli Qanununun tətbiqi barədə” 2012-ci il 4 sentyabr tarixli 695 nömrəli, “Tikinti layihələrinin ekspertizadan keçirilməsi Qaydaları”nın təsdiq edilməsi haqqında” 2014-cü il 17 noyabr tarixli 348 nömrəli, “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın təsdiq edilməsi barədə” 2017-ci il 3 may tarixli 1361 nömrəli, “Şəhərsalma fəaliyyətinin tənzimlənməsi sahəsində əlavə tədbirlər haqqında” 2018-ci il 17 sentyabr tarixli 274 nömrəli, “Bəzi tikinti obyektlərinə tikintiyə icazə və tikinti obyektinin istismarına icazə verilməsinin sadələşdirilməsi ilə bağlı tədbirlər haqqında” 2018-ci il 28 dekabr tarixli 460 nömrəli və “Azərbaycan Respublikası Dövlət Şəhərsalma və Arxitektura Komitəsinin fəaliyyətinin təkmilləşdirilməsi ilə bağlı bəzi məsələlər haqqında” 2019-cu il 19 mart tarixli 597 nömrəli fərmanlarında dəyişiklik edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının Şəhərsalma və Tikinti Məcəlləsində dəyişiklik edilməsi haqqında” Azərbaycan Respublikasının 2...

14 oktyabr 2019, 17:45
SƏNƏDLƏRFərmanlar14 oktyabr 2019
17:00
Azərbaycan Respublikasının Dövlət Gömrük Komitəsi ilə Belarus Respublikasının Dövlət Gömrük Komitəsi arasında Azərbaycan Respublikası və Belarus Respublikası arasında keçirilən mallar və nəqliyyat vasitələri barədə ilkin məlumat mübadiləsinin təşkili haqqında Sazişin təsdiq edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:

1. Azərbaycan Respublikasının Dövlət Gömrük Komitəsi ilə Belarus Respublikasının Dövlət Gömrük...

14 oktyabr 2019, 17:00
SƏNƏDLƏRFərmanlar14 oktyabr 2019
16:45
Azərbaycan Respublikasının Əmək və Əhalinin Sosial Müdafiəsi Nazirliyi ilə Rusiya Federasiyasının Əmək və Sosial Müdafiə Nazirliyi arasında əmək, məşğulluq və əhalinin sosial müdafiəsi sahəsində əməkdaşlıq haqqında Sazişin təsdiq edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:

1. Azərbaycan Respublikasının Əmək və Əhalinin Sosial Müdafiəsi Nazirliyi ilə Rusiya Federasiy...

14 oktyabr 2019, 16:45