Allahverdi Mirzəyevdən, İsmayıllı, Azərbaycan

09 oktyabr 2019, 19:45

Çox hörmətli Mehriban xanım,

Heydər Əliyev Fondu hər zaman imkansız ailələrin, qayğıya ehtiyacı olan insanların yanında olub, onlara hərtərəfli kömək göstərib.

Mən İsmayıllı rayonunun Namazgah kəndində yaşayıram, I qrup əliləm. Qanımda olan xəstəliklə əlaqədar hər iki ayağım amputasiya olunub. Ailəm dörd nəfərdən ibarətdir. Oğlum “Beyin geriliyi” xəstəliyindən əziyyət çəkir, əlil uşaqdır.

Bizim kimi ailələrə dövlətimiz tərəfindən hər zaman göstərilən qayğı və diqqətə görə Prezidentimizə və Sizə təşəkkürümüzü bildiririk. Biz Sizin bu qayğınızı bu gün də his edirik. Belə ki, Siz ailəmizin ocağını yenidən yandırdınız, bizə yeni mənzil hədiyyə etdiniz, balalarımın ürəyini fərəh hissi ilə doldurdunuz.

Hörmətli Mehriban xanım, mənə və oğluma dövlətimizin səhiyyə qurumları tərəfindən daim qayğı göstərilir. İndi yaşamağa ümidim artıb və yaşamaq istəyirəm. Qızım oxuyub həkim olmaqla gələcəkdə əlillərə yardım etmək istəyir. Mənim ailəmdə bu ümid işığını Siz yandırmısınız. Bizə göstərdiyiniz bu diqqət və qayğıya görə Prezidentimizə və Sizə minnətdarıq. Allah Sizə kömək olsun!

Dərin hörmətlə,

Mirzəyev Allahverdi Qulamirzə oğlu

Azərbaycan Respublikası, İsmayıllı rayonu, Namazgah kəndi.

SƏNƏDLƏRSərəncamlar13 dekabr 2019
16:50
“Azərbaycan təbii qazının dünya bazarına Cənub Qaz Dəhlizi vasitəsilə nəqli ilə əlaqədar tədbirlər haqqında” Azərbaycan Respublikası Prezidentinin 2013-cü il 29 oktyabr tarixli 15 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Azərbaycan təbii qazının dünya bazarına Cənub Qaz Dəhlizi vasitəsilə nəqli ilə əlaqədar tədbirlər h...

13 dekabr 2019, 16:50