Azərbaycan Respublikasının Prezidenti Zati-aliləri cənab İlham Əliyevə
Zati-aliləri, hörmətli İlham Heydər oğlu.
Sizi doğum gününüz münasibətilə Rusiya Federasiyası Müsəlmanları Ruhani İdarəsi, Rusiya Müftilər Şurası adından və şəxsən öz adımdan ürəkdən təbrik edir, Qadir Allaha dua edərək Sizə uzun ömür, möhkəm cansağlığı və xeyirxah təşəbbüslərinizdə Tanrının yardımını diləyirəm.
Sizin ölçülüb-biçilmiş siyasətiniz, Azərbaycan Respublikasının konstitusion əsaslarının qorunub saxlanmasında və bərqərar olmasında prinsipial mövqeyiniz sayəsində ölkəniz mənəvi, intellektual və iqtisadi inkişaf yolunda inamla irəliləyir.
Hörmətli İlham Heydər oğlu, mən Qadir Allahdan Sizə və Azərbaycandan olan bütün qardaşlarımıza əmin-amanlıq və rifah diləyirəm.
Amin.
Hörmətlə və xoş dualarla,
Müfti şeyx Ravil Qaynutdin
Rusiya Federasiyası Müsəlmanları Ruhani İdarəsinin və Rusiya Müftilər Şurasının sədri, Rusiya Federasiyası Prezidenti yanında Dini Birliklərlə Qarşılıqlı Fəaliyyət Şurasının üzvü