Rusiya Federasiyası Prezidentinin Beynəlxalq mədəni əməkdaşlıq üzrə xüsusi nümayəndəsi Mixail Şvıdkoydan

31 dekabr 2016, 14:15

Azərbaycan Respublikasının Prezidenti Zati-aliləri cənab İlham Əliyevə

Zati-aliləri, möhtərəm İlham Heydər oğlu, 

Doğum gününüz münasibətilə ən səmimi təbriklərimi qəbul edin. 

Artıq çoxdandır ki, bu gün sadəcə Sizin ailənizin bayramı deyildir. Bu günü təkcə Azərbaycanda deyil, həm də Sizin həmvətənlərinizin yaşayıb-yaratdıqları dünyanın bir çox ölkələrində qeyd edirlər. Bu günü ölkəmizin dostu, böyük dövlət xadimi, tarixi sınaqlar dövründə Azərbaycanı qoruyub saxlayan atanızın – görkəmli siyasi xadim Heydər Əlirza oğlu Əliyevin xatirəsinin yaşadığı Rusiyada da qeyd edirlər. 

Sizin prezidentliyiniz illərində Azərbaycan bütün dünyada zəngin tarixi və çoxəsrlik ənənələri olan, dinamik inkişaf edən bir ölkə kimi tanınıb. Ölkənin sosial-iqtisadi inkişafında xidmətləriniz şəksizdir, Sizin müdrikliyiniz və çoxşaxəli istedadınız heyranlıq doğurur. 

Sizə və yaxınlarınıza möhkəm cansağlığı, səadət və firavanlıq arzu edirəm. 
Bu xoş fürsətdən istifadə edib, Sizi qarşıdan gələn Yeni il münasibətilə ürəkdən təbrik etmək istəyirəm. Əminəm ki, bu il Azərbaycan xalqına yeni-yeni uğurlar bəxş edəcək. 

Səmimi qəlbdən Sizin,

Mixail Şvıdkoy
Rusiya Federasiyası Prezidentinin Beynəlxalq
mədəni əməkdaşlıq üzrə xüsusi nümayəndəsi

SƏNƏDLƏRSərəncamlar18 may 2018
18:35
Muzey işi sahəsində çalışan bir qrup şəxsə Azərbaycan Respublikasının “Əməkdar mədəniyyət işçisi” fəxri adının verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikasında muzey işi sahəsində uzunmüddətli səmərəli fəaliyyətlərinə görə aşağıdakı şəxslərə Azə...

18 may 2018, 18:35
XƏBƏRLƏRMətbuat xidmətinin məlumatı18 may 2018
16:30
Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib

Mayın 18-də Qırğız Respublikasının Prezidenti Sooronbay Jeenbekov Azərbaycan Respublikasının Prezidenti İlham Əliyevə telefonla zəng edib.

Söhbət zamanı dövlət başçıları Azərbaycan Respublikası ilə Qırğız Respublikası arasında əməkdaşlığa dair aktual məsələləri müzaki...

18 may 2018, 16:30