Cəsarət Əzizovdan, Masallı, Azərbaycan

Hörmətli cənab Prezident,

Siz bütün sahələr kimi, aqrar sahənin də inkişafına böyük diqqət ayırırsınız. Bu sahəyə göstərilən diqqət və qayğıdan ruhlanaraq mən də yaşadığım Masallı rayonunda aqrar sahənin inkişafı üçün öz imkanlarım daxilində müəyyən işlər görmüşəm. Belə ki, Masallı rayonu ərazisində 20 hektar sahədə çiyələk və 2 hektarda isə qara moruq əkmişəm. Bu sahələrdə 150 vətəndaşın mövsümi işlə təmin edilməsinə nail olmuşam.

Cənab Prezident, Sizi əmin edirəm ki, apardığınız daxili və xarici siyasətə dəstək olmaq üçün bütün imkanlarımdan maksimum yararlanacağam.

Allah Sizə möhkəm cansağlığı versin, Sizi xalqımızın başı üzərindən əskik etməsin.

Hörmətlə,

Əzizov Cəsarət Əzizağa oğlu.

Azərbaycan Respublikası, Masallı rayonu, Bədəlan kəndi.