İlham Əliyev “Bakı-2017”nin sərbəst güləş yarışlarının ikinci günündə qalib idmançılara medalları təqdim edib

20 may 2017, 22:55
İlham Əliyev “Bakı-2017”nin sərbəst güləş yarışlarının ikinci günündə qalib idmançılara medalları təqdim edib

“Bakı-2017” IV İslam Həmrəyliyi Oyunlarının sərbəst güləş yarışlarına yekun vurulub.

Heydər Əliyev adına İdman Arenasında keçirilən yarışların sonuncu – ikinci günündə sərbəst güləşçilərimiz 2 qızıl, 1 gümüş və 1 bürünc medal qazanıblar.

Azərbaycan Respublikasının Prezidenti, Milli Olimpiya Komitəsinin prezidenti İlham Əliyev, birinci xanım, IV İslam Həmrəyliyi Oyunlarının Təşkilat Komitəsinin sədri Mehriban Əliyeva və ailə üzvləri final qarşılaşmalarına baxıblar.

Gün ərzində sərbəst güləşçilər dörd çəki dərəcəsində medallar uğrunda mübarizə aparıblar.

Xalça üzərinə 61 kiloqram çəki dərəcəsində çıxan ikiqat dünya çempionu, Rio Olimpiadasının bürünc mükafatçısı Hacı Əliyev həlledici görüşdə qırğızıstanlı Alibek Osmonov üzərində təmiz qələbə qazanaraq IV İslam Həmrəyliyi Oyunlarının çempionu olub. Bu çəki dərəcəsində bürünc medallara İran idmançısı Məsud İsmayılpurcuybari və pakistanlı Abdul Vahab layiq görülüblər.

Qalib idmançılara medalları dövlətimizin başçısı, Azərbaycan Milli Olimpiya Komitəsinin prezidenti İlham Əliyev təqdim edib.

Çempion pəhləvanımızın şərəfinə Azərbaycan Respublikasının dövlət himni səsləndirilib, dövlət bayrağı qaldırılıb.

Sərbəst güləş yarışlarının ikinci günündə milli komandamızın aktivinə ikinci qızıl medalı Cəmaləddin Maqomedov yazdırıb. Yarışda 125 kiloqram çəki dərəcəsində mübarizə aparan Dünya Kubokunun qalibi Cəmaləddin Maqomedov həlledici görüşdə Qazaxıstan pəhləvanı Daulet Şabanbay ilə qarşılaşıb. Gərgin idman mübarizəsi şəraitində keçən görüşdə qalib gələn pəhləvanımız fəxri kürsünün ən yüksək pilləsində yer alıb. Bu çəki dərəcəsində bürünc medallara Türkiyə təmsilçisi Salim Ercan və iranlı Caber Sadeqzadeh sahib olublar.

Qalib idmançılara medalları Azərbaycan Respublikasının Birinci vitse-prezidenti, IV İslam Həmrəyliyi Oyunlarının Təşkilat Komitəsinin sədri, Azərbaycan Gimnastika Federasiyasının prezidenti xanım Mehriban Əliyeva təqdim edib.

Çempion idmançımızın şərəfinə Azərbaycan Respublikasının dövlət himni səsləndirilib, dövlət bayrağı qaldırılıb.

Azərbaycan pəhləvanı Murtuzəli Müslümov (70 kq) İran təmsilçisi Mostafa Hosseynxani ilə qarşılaşdığı final görüşündə gümüş medalla kifayətlənməli olub. Bu çəki dərəcəsində fəxri kürsünün üçüncü pilləsində Bəhreyn təmsilçisi Adam Batırov və Türkiyə idmançısı Zafer Dama qərarlaşıblar.

Sərbəst güləş üzrə milli komandamızın aktivinə bürünc medalı isə Olimpiya çempionu Şərif Şərifov (86 kq) yazdırıb. İdmançımız bürünc medal uğrunda görüşdə Tacikistan güləşçisi Baxodur Kodirov üzərində təmiz qələbə qazanıb. Bu çəki dərəcəsində qızıl medal İran idmançısı Həssən Yazdaniçəratiyə, gümüş medala isə türkiyəli Selim Yaşara nəsib olub. Digər bürünc medalı isə Qazaxıstan təmsilçisi Adilet Davlumbayev aktivinə yazdırıb.

Beləliklə, sərbəst güləşçilərimiz IV İslam Həmrəyliyi Oyunlarında 4 qızıl, 2 gümüş və 1 bürünc medal qazanaraq komanda hesabında birinci yeri tutublar.

gallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photo
SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10