Moskva Dövlət Beynəlxalq Münasibətlər İnstitutunun rektoru, Rusiya Elmlər Akademiyasının akademiki Anatoli Torkunovdan

28 dekabr 2016, 14:55

Azərbaycan Respublikasının Prezidenti Zati-aliləri cənab İlham Əliyevə

Əziz İlham Heydər oğlu.

Yubileyiniz münasibətilə Sizi Moskva Dövlət Beynəlxalq Münasibətlər İnstitutundan olan bütün yoldaşlarınız adından və şəxsən öz adımdan səmimi qəlbdən təbrik edirəm.

55 yaş ömrün elə çağıdır ki, insan artıq çox iş görüb, onun nələrə nail olması aydındır, lakin bununla belə yeni uğurlar qazanmaq üçün hələ çoxlu vaxtı və qüvvəsi qalıb.

Siz həm Azərbaycan üçün, həm də dünyanın digər liderləri sırasında həqiqətən nadir rəhbərsiniz. Siz əvvəlki nəsillərin təşəbbüslərini inkişaf etdirməyə, çoxmillətli dünyəvi dövlətin bünövrəsi üzərində müasir cəmiyyət, inkişaf etmiş iqtisadiyyat qurmağa nail olmusunuz. Bunlar Azərbaycanı obyektiv olaraq Avrasiya məkanında ən çox nəzərəçarpan dövlətlər sırasına gətirib çıxarıb.

Sizin Vətənə sədaqətiniz, peşəkarlığınız təqlid edilməyə layiq olan, çox vaxt heyranlıq doğuran şəxsi keyfiyyətlərinizlə daim uzlaşır. Sizin ailənizi, övladlarınızı yaxşı tanıyıram. Mənə belə gəlir ki, onlar Sizin ən yaxşı keyfiyyətlərinizi qəbul edib, Əliyevlərin yaşlı nəslinin əfsanəvi ənənələrini qoruyub saxlayırlar.

Mən, MDBMİ-nin rektoru kimi, bizim təşəbbüslərimizi, o cümlədən İnstitutumuzun məzunlarının dünya forumlarını dəstəklədiyinizə görə Sizə təşəkkürümü bildirirəm.

Bu ilin payızında Bakıda görüşümüzə ürəkdən sevindim və əminəm ki, nəzərdə tutduğumuz planlar uğurla həyata keçəcək.

Sizə, yaxınlarınıza bir daha cansağlığı, firavanlıq, qardaş Azərbaycana əmin-amanlıq arzularımı qəbul edin.

Hörmətlə,

Anatoli Torkunov

Moskva Dövlət Beynəlxalq Münasibətlər İnstitutunun rektoru,

Rusiya Elmlər Akademiyasının akademiki

SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10